له هێرشێكى داعش له كه‌ركووك ژماره‌یه‌ك پۆلیس و چه‌كدارى حه‌شد كوژران
سه‌رچاوه‌یه‌كی ئه‌منی له كه‌ركووك، ڕای گه‌یاند: "له گوندی سه‌عدوونییه‌ی شاره‌دێی ڕه‌شاد، چه‌كدارانى داعش هێرشیان كرده سه‌ر خاڵێكى پشكنینی سه‌ر به پۆلیسی فیدڕاڵی و حه‌شدى عه‌شایه‌ریی كه له سنووه‌كان پێكهاتووه".
ئاماژه‌ى به‌وه‌شداوه، كه له‌و هێرشه‌ى داعشدا، 4 پۆلیسی فیدڕاڵی و دوو چه‌كداری حه‌شدى عه‌شایه‌ریی كوژران و دوو چه‌كدارى تریش به‌سه‌ختى بریندار بوون.
پێشتریش له مانگى شوباتى له‌هه‌مان گوندى سنوورى شاره‌دێی ڕه‌شاد، داعش بۆسه‌یه‌كی بۆ چه‌كدارانى میلیشیاى حه‌شدى شه‌عبى دانا و به‌ده‌یان چه‌كدارى كوشت.
باسنيوز
