له‌ تۆڕه‌ كۆمه‌ڵایه‌تییه‌كان، چه‌ندین وێنه‌ى قوتابیانی قوتابخانه‌كانى عێراق بڵاو ده‌كرێنه‌وه‌، كه‌به‌هۆى ئه‌وه‌ى قوتابخانه‌كانیان كراون به‌ ناوه‌ندی ده‌نگدان بۆ هه‌ڵبژاردنى په‌رله‌مان، ناچار له‌ گۆڕه‌پانى قوتابخانه‌كانیان له‌سه‌ر زه‌وى به‌بێ هیچ كورسى و ڕاخه‌رێك دابنیشن و تاقیكردنه‌وه‌كان ئه‌نجام بده‌ن.

وێنه‌كان نیگه‌رانییه‌كى زۆر له‌نێو چالاكوانانى تۆڕه‌ كۆمه‌لایه‌تییه‌كان دروست ده‌كات، به‌تایبه‌تى كه‌ عێراق له‌دواى پرۆسه‌ى ئازادییه‌وه‌ ساڵانه‌ زیاتر له‌ 100 ملیار دۆلارى ئه‌مریكی بودجه‌ى بووه‌ و تائێستا نه‌یتوانیوه‌ وه‌ك پێویست قوتابخانه‌ دروست بكات.

هاوكات ڕه‌خنه‌ى ئه‌وه‌ش له‌ وه‌زاره‌تى په‌روه‌رده‌ ده‌گرن، كه‌ هیچ هه‌ماهه‌نگییه‌كى له‌گه‌ڵ حكوومه‌ت و كۆمسیۆنى باڵاى سه‌ربه‌خۆى هه‌ڵبژاردنه‌كان نه‌كردووه‌ بۆ ئه‌وه‌ى واده‌ى تاقیكردنه‌وه‌كانى كۆتایی ساڵ له‌گه‌ڵ ڕۆژی ده‌نگدان كه‌ 12/ 5/ 2018ى بۆ دیاری كراوه‌، به‌ریه‌ك نه‌كه‌ون.

یه‌كێك له‌ چالاكوانه‌كان نووسیویه‌تى: "وه‌زاره‌تى په‌روه‌رده‌ ده‌یتوانى واده‌ى تاقیكردنه‌وه‌كان پێش و پاش بخات، به‌تایبه‌ت كه‌ پێش ماوه‌یه‌كی زۆر شوێنى بنكه‌كان و واده‌ى هه‌ڵبژاردنیش دیاری كراوه‌".










باسنیوز