كاندیدێك به چه‌قۆ له‌نێو ماڵه‌كه‌ى خۆیدا كوژرا
سه‌رچاوه ئه‌منییه‌كه ڕای گه‌یاندووه: "چه‌كدارانى نه‌ناسراو له‌دره‌نگانێكى شه‌وى ڕابردوودا، چوونه‌ته سه‌ر ماڵى فارووق محه‌مه‌د زه‌رزوور، كاندیدى هه‌ڵبژاردنی په‌رله‌مانى عێراق له‌سه‌ر لیستى نیشتمانى".
ڕووداوه‌كه له گوندی له‌زاگه سه‌ر به شاره‌دێی گه‌یارى مووسڵ، ڕووی داوه و به چه‌قۆ كاندیده‌كه كوژراوه.
ئه‌وه‌شى خستووه‌ته‌ڕوو، كه هێزێكى ئه‌منی دواتر گه‌یشتوونه‌ته ناوچه‌كه، به‌ڵام هێرشبه‌ره‌كان هه‌ڵاتوون و ته‌رمه‌كه‌ش ڕه‌وانه‌ى پزیشكى دادوه‌ریی كراوه.
پێشتریش چه‌ند كاندیدێكی هه‌ڵبژاردنى ئه‌نجومه‌نى نوێنه‌رانى عێراق كه بڕیاره له 12/ 5/ 2018 ئه‌نجام بدرێت، هه‌وڵى كوشتنیان درا.
