بە سەدان فەرمانبەری وەزارەتێكی حکوومەتی عێراق ماوەی نۆ مانگە مووچەیان وەر نەگرتووە.

حوسێن حەیاوی، بەرپرسی بەرپرسی پەیوەندی و هەماهەنگی لە وەزارەتی گواستنەوەی عێراقی بە میدیاكانی عێراقی راگەیاندووە، "فەرمانبەرانی گرێبەست لە هێڵی فڕۆكەوانی عێراقی ماوەی نۆ مانگە مووچەكانیان پێ نەدراوە".

روونیشی كردەوە، ئەو فەرمانبەرانە 13 خۆپیشاندانیان كردووە و هەر بەڵێنیان پێ دەدرێت و هیچیان بۆ ناكرێت.

حەیاوی ئاشكراشی كرد، ئەوانەی نۆ مانگە مووچەیان پێ نەدراوە ژمارەیان لە نێوان 400 بۆ 500 کەس دەبێت.

ئەو بەرپرسەی وەزارەتی گواستنەوە، پێیوایە گەندەڵی لەو بوارە هەیە و دەبێت لێپرسینەوە لەگەڵ بەرپرسانی هێڵی فرۆكەوانی بكرێت، گوتیشی: "پێنەدانی مووچە بەو كەسانە تاوانێكی گەورەیە".
.








باسنيوز