به‌پێی ئه‌و ئاماره‌ی نێرده‌ی نه‌ته‌وه‌ یه‌کگرتووه‌كان بۆ هاریكاریی عێراق (یونامی) ‏بڵاوی كردووەته‌وه‌، له‌ دەرئه‌نجامی ئەو کرده‌وه‌ تووندوتیژی و تیرۆریستی و پێكدادانە چه‌كدارییانەدا كه‌ له‌ مانگی ئاداری 2018دا ‏روویانداوه‌، 68 هاووڵاتی مه‌ده‌نی عیراقی كوژراون (كه‌ پۆلیس ناگرێته‌وه‌) و 122 كه‌سی دیكه‌ش برینداربوون‎.

ئەو ژمارانە هاووڵاتی مەدەنی و ئەو هاووڵاتییانە دەگرێتەوە کە لەکاتی مردن یان بریندار بوون وەک هاووڵاتی مەدەنی ڕەچاوکراون وەکو پۆلیس لە دەرەوەی ئەرکی سەربازی، بەرگری شارستانی و کارمەندانی پاسەوانی کەسی و پاسەوانی پاراستنی بارەگاکان و کارمەندانی ئاگرکوژێنەوە.

ژمارەی گشتی قوربانیانی مەدەنی کە لەلایەن یونامییەوە لە مانگی نیساندا تۆمارکراون (بەدەر لە ژمارەی قوربانیانی پۆلیس) 64کوژراو و 121 بریندار بووە.

پارێزگای ئەنبار به‌ركه‌وته‌ترین پارێزگابووە‌، ‌153 هاووڵاتی مه‌ده‌نی بوونه‌ته‌ قوربانی (24 كوژراو و 29 بریندار)‌. دوای ئه‌و پارێزگای بەغدا دێت كه‌ ئاماره‌كانی برتییه‌ له‌ (8 كوژراو و 30بریندار) و لە کەرکووکیش (10 كوژراو و 21 بریندار) هەبوون .

یان کوبیش، نوێنەری تایبەتی سکرتێری گشتی نەتەوەیەکگرتووەکان بۆ عیراق، لەبارەی ئامارەکان ئاماژەی بەوەکرد: "ژمارەی قوربانیان لە ساڵی رابردوو و لەدوای تێکشکاندنی داعش لە راپۆرتەکاندا بەشێوەیەکی بەردەوام لە کەمبوونەوەدایە. ئەمە هەواڵێکی دڵخۆشکەرە، بەڵام خۆشترین هەواڵ لەکاتێکدا دەبێت کە عێراق خاڵی بێت لە مەترسی تیرۆر و بەشێوەیەکی سەرتاسەری لە ئاشتیدابێت.
rudaw -