دەستەی دەروازە سنوورییەكانی عێراق، دەستگیركردنی دوو گەشتیاری هەڵگری ڕەگەزنامەی ئێرانی لە دەروازەیەكی سنووری نێوان عێراق ـ ئێران ڕاگەیاند.



بەپێی ڕاگەیەندراوێكی دەستەی دەروازە سنوورییەكانی عێراق، كە دوێنێ یەكی ئایار بڵاو كراوەتەوە و وێنەیەكی بۆ (باسنیوز) نێردراوە "دوێنێ سێشەممە یەكی ئایاری 2018، لە دەروازەی سنووری (شەلەمچە) ی نێوان عێراق ـ ئێران، لەلایەن مەفرەزەكانی پۆلیسی گومرك و دەروازە سنوورییەكەوە گەشتیارێكی ئێرانی بە بڕێك مادەی هۆشبەرەوە لەجۆری (هیرۆیین و حەشیش) دەستگیر كراوە".



بەپێی ڕاگەیەندراوەكە "دوێنێ 30/4/2018، لەهەمان دەروازەی سنووری نێوان عێراق ـ ئێران، گەشتیارێكی دیكەی ئێرانی لەلایەن مەفرەزەكانی پۆلیسی گومرك و دەروازە سنوورییەكەوە بە بڕێك مادەی هۆشبەر لە جۆری (هیرۆیین) دەستگیر كراوە".



لە ڕاگەیەندراوەكەدا ئاماژە بەوەدراوە "دەستگیركراوەكان ڕێكاری یاساییان لە بەرامبەردا گیراوەتەبەر و ڕادەستی دادگا كراون".








باسنيووز