ئەندامەكێ‌ جڤاتا پارێزگەها مووسل راگەهاند كو ل گۆرەی ئەو دووڤچوونێن مە ل ناڤ پارێزگەها مووسل دا كرین، سێ‌ پشكێن خەلكێ‌ مووسل د بەرهەڤ نینن بەشداریێ‌ د هەلبژارتنێن پەرلەمانێ‌ عیراقێ‌ دا بكەن و هۆسا دبینن مووسل یا وێرانە و چو هاوولاتی ژی هەتا نها نەهاتینە قەرەبووكرن.



سەیدۆ چەتۆ، ئەندامێ‌ جڤاتا پارێزگەها مووسل تایبەت راگەهاند، مە دووڤچوونەك د ناڤ خەلكێ‌ مووسل دا كریە و ئاشكرا بوویە كو سێ‌ پشكێن هاوولاتیان ب هیچ رەنگەكی د بەرهەڤ نینن پشكداریێ‌ د هەلبژارتنێن پەرلەمانێ‌ عیراقێ‌ دا بكەن، چونكو زۆربەیا خەلكی ب رەشبینی بەرێ‌ خوە ددەنە ڤان هەلبژارتنان و هێشتا لایێ‌ راستێ‌ یێ‌ مووسل هێشتا هەموو یێ‌ وێرانە و چو هاوولاتیەك ژی نەهاتیە قەرەبووكرن.



ئاشكرا ژی كر، هێشتا هژمارەكا مەزن یا خەلكێ‌ مووسل ئاوارەنە و د بەرهەڤ نینن ب ڤەگەرنە مووسل، ئەو هۆسا دبینن كو خیڤەتێن وان ژ خانیێن كاڤل و چۆلكری خۆشترن و ناچار نینن ب ڤەگەرن.

bas news-