هێزەكانی بەرگریی شارستانی لە مووسڵ 200 تەرمی تیرۆریستانی داعشیان دەدۆزنەوە كە لە سەروبەندی ڕزگاركردنەوەی ئەو شارەدا كوژراون.



رائید سامر مەجید، جێگری بەڕێوەبەری بەڕێوەبەرایەتیی بەرگریی شارستانیی مووسڵ، لە لێدوانێكی رۆژنامەوانیدا ڕای گەیاندووە، هێزەكانی بەرگریی شارستانی لە مووسڵ 200 تەرمی تیرۆریستانی داعشیان دۆزیەوە و دەركەوتووە كە ئەو تیرۆریستانە لە سەروبەندی رزگاركردنەوەی مووسڵدا كوژراون.



ڕاشی گەیاندووە: "بە هاوكاری بەڕێوەبەرایەتیی تەندروستیی مووسڵ، تەرمەكان لەو شوێنەی كە تێیدا بوون هەڵگیراون و لە یەكێك لە گۆرستانەكانی مووسڵ نێژراون".



تیرۆریستانی داعش لە مانگی حوزەیرانی 2014 شاری مووسڵیان داگیر كرد و دوای سێ ساڵ توانرا ڕزگار بكرێتەوە، هەرچەندە تاكوو ئێستاش جموجۆڵەكانی ئەو تیرۆریستانە لە سنووری ئەو پارێزگایە بەردەوامە
bas news-