جێگری سەرۆكی كۆمسیۆنی باڵای هەڵبژاردنەكانی عێراق ئاماژە بۆ ئەوە دەدات سبەی دوا وادەیە بۆ پێشكەشكردنی ناوی لیستی كاندید بۆ هەڵبژاردنەكانی ئەنجومەنی نوێنەرانی عێراق.



ڕزگار حەمە جێگری سەرۆكی كۆمسیۆنی باڵای هەڵبژاردنەكانی عێراق ئەمڕۆ چوارشەممە 2018/2/14 ڕاگەیاند: كە سبەی سێشەممە 2018/2/15 دوا وادەیە كە پێیوستە لایەنەیە سیاسییەكان لیستی كاندیدەکانی خۆیان پێشكەش بە كۆمیسیۆن بكەن".



جێگری سەرۆكی كۆمسیۆنی باڵای هەڵبژاردنەكانی عێراق گوتیشی: "بەشێك لە لایەنەكان لەڕێگەی نووسینگەكانی كۆمیسیۆن لە پارێزگاكانی عێراق لیستی كاندیدانی خۆیان بۆ هەڵبژاردنی پەرلەمانی عێراق ناردووە".



جێگری سەرۆكی كۆمیسیۆنی باڵای هەڵبژاردنەكانی عێراق ئەوەشی خستە ڕوو: " بە درێژكردنەوەی 5 رۆژ لە 10 مانگەوە بۆ 15 مانگ بۆ هاوكاریكردنی لایەنەكان بووە و وادەكە جارێكی تر درێژ ناكرێتەوە".



هاوكات جەسام موشیر بەرپرسی مەكتەبی هەڵبژاردنەكانی لقی 2ی پارتی دیموكراتی كوردستان لە هەولێر بە (باسنیوز) ی ڕاگەیاند، پارتی ناوی كاندیدەكانی پێش كۆتایی هاتنی وادەكە ئامادە كردووە كاندیدەكانیش لەسەر بنەمای پسپۆڕی و كەسانی گەنج و خاوەن بڕوانامە بۆ هەڵبژاردنەكان كاندید كراون".



بەرپرسی بەرپرسی مەكتەبی هەڵبژاردنەكانی لقی 2ی پارتی دیموكراتی كوردستان گوتیشی: "بەشێك لەو كاندیدانەی ئێمە خاوەنی بڕوانامەی زانكۆن، هەروەها ڕەچاوی ئافرەتانیش كراوە".



بڕیارە ڕێکەوتی 2018/5/12 هەڵبژاردنەكانی پەرلەمانی عیراق نجام بدرێت و لایەنەكانیش هەر لە ئێستاوە كەوتوونەتە ئامادەكاری، هەروەها چەند هاوپەیمانێتییەكیان دروست كردووە.






باسنیوز