لە دیالە هەشت داواكراو دەستگیر كران
بەڕێوەبەرایەتیی پۆلیسی پارێزگای دیالە، لە ڕاگەیەندراوێكدا كە ئەمڕۆ 30/1/2018 بڵاوی كردووەتەوە، ڕای دەگەیەنێت "لە چوارچێوەی هەڵمەتەكانی گەڕانی بەشەكانی پۆلیسی پارێزگای دیالە، لە ماوەی 48 كاتژمێری ڕابردوودا توندراوە 8 داواكراو بە تۆمەتی تیرۆر و ئەنجامدانی تاوان لە چەند ناوچەیەكی جیاوازی پارێزگاكە دەستگیر بكرێن".
لە ڕاگەیەندراوەكەدا ئاماژە بەوە دراوە: "هێزێكی ئەمنیی هاوبەش لە پۆلیسی پارێزگای دیالە هەڵمەتێكیان لە ناوچەی نەدا لە باكووری ڕۆژهەڵاتی پارێزگاكە ئەنجام داوە و تێیدا 4 بۆمبی چێنراویان پووچەڵ كردووەتەوە و ماتۆڕێكی چەكدارانی داعشیان تێكشكاندووە".
باسنیوز
