رێکخراوی تیرۆریستی داعش بنکە و بارەگا لە باشووری شاری مووسڵ دەکاتەوە و فڕۆکە جەنگییەکانی هاوپەیمانان بۆردومانیان دەکەن.

بەپێی هەواڵی میدیا عێراقییەکان، رۆژی سێشەممە 30/1/2018 فڕۆکە جەنگییەکانی هاوپەیمانیی نێودەوڵەتی دژی داعش بنکە و بارەگاکانی داعشیان لە گوندی مەریر لە شارەدێی گەیارە لە باشووری مووسڵ بۆردومان کردووە.

بڵاوبوونەوەی چەکدزرەکانی داعش لە باشووری مووسڵ لەکاتێک دایە، کە لە رۆژی 10/12/2017 حەیدەر عەبادی، سەرۆک وەزیرانی عێراق رایگەیاند، هێز و میلیشیا عێراقییەکان کۆتاییان بە بوونی داعش لە عێراق هێناوە.

لە مانگی حوزەیرانی 2014، نزیکەی دوو هەزار چەکداری داعش لە خاکی سووریاوە چوونە ناو شاری مووسڵ و بە ماوەی چەند رۆژێک، هەرەسیان بە سوپای عێراق هێنا و پارێزگاکانی نەینەوا، سەڵاحەدین، دیالە و ئەنباریان داگیرکرد.










باسنيوز