له‌به‌غدا عه‌شیره‌تێك به‌شێوه‌یه‌كی سه‌یر تۆڵه‌ى كوژراویان ده‌كه‌نه‌وه
یه‌كێك له ئه‌ندامانى خێزانى گه‌نجه كوژراوه‌كه، ڕای گه‌یاندووه، كوڕه‌كه‌یان له‌لایه‌ن ئافره‌تێكه‌وه له‌ڕێگه‌ى فه‌یسبووكه‌وه په‌یوه‌ندی پێوه ده‌كرێت و دواتر بانگهێشتى شوێنێكى ده‌كات بۆ ئه‌وه‌ى یه‌كتر ببینن.
دواى گه‌یشتنى بۆ شوێنى دیاریكراو، گه‌نجه‌كه له‌لایه‌ن باندێكه‌وه كه له‌گه‌ڵ ئافره‌ته‌كه‌دا بوون، ده‌ڕفێندرێت و له‌گه‌ڵ كه‌سوكاره‌كه‌شیدا ده‌ست ده‌كه‌ن به‌گفتوگۆ و مامه‌ڵه‌كردن، سه‌ره‌تا داواى 250 هه‌زار دۆلار ده‌كه‌ن، به‌ڵام دواجار له‌سه‌ر 20 هه‌زار دۆلار ڕێكده‌كه‌ون.
هه‌رچه‌نده ڕێككه‌وتن له‌نێوان بانده‌كه و كه‌سوكارى ڕفێندراوه‌كه ده‌كرێت و پاره‌كه‌ش ده‌درێت، به‌ڵام پێش وه‌رگرتنى پاره، بانده‌كه گه‌نجه‌كه ده‌كوژن و دواتر له‌لایه‌ن پۆلیسه‌وه، بانده‌كه ده‌ستگیر ده‌كرێت، ئه‌مڕۆش به‌به‌رچاوى حكوومه‌ته‌كه‌ى حه‌یده‌ر عه‌بادی، عه‌شیره‌تى قوربانییه‌كه ماڵى بانده‌كه ده‌سووتێنن.
باسنيوز
