هێزێك له‌ پۆلیسی نه‌هێشتنى تاوان، سه‌ر به‌ فه‌رمانده‌یی پۆلیسی به‌سڕه‌، ئه‌مڕۆ پێنجشه‌ممه‌ 25/ 1/ 2018 ئافره‌تێكیان ده‌ستگیر كرد، كه‌ به‌هاوكارى دۆسته‌كه‌ى، هاوسه‌ره‌كه‌ى خۆى كوشتووه‌ و دواتر ته‌رمه‌كه‌ى سووتاندووه‌.

سه‌رچاوه‌یه‌كی ئه‌منیی له‌ پارێزگاى به‌سڕه‌، ڕای گه‌یاند: "تاوانه‌كه‌ نزیكه‌ى پێش مانگێك له‌مه‌وپێش ئه‌نجام دراوه‌، ئه‌وه‌ش دواى ئه‌وه‌ى ژنه‌كه‌ له‌گه‌ڵ دۆسته‌كه‌یدا له‌سه‌ر كوشتنى هاوسه‌ره‌كه‌ى و دواتر شاردنه‌وه‌ى ته‌رمه‌كه‌ى، ڕێككه‌وتوون".

سه‌رچاوه‌كه‌ ڕوونیشی كرده‌وه‌، كه‌ ژنه‌كه‌ ده‌رمانى بێهۆشكردنى به‌ هاوسه‌ره‌كه‌ى داوه‌ و دواتر له‌گه‌ڵ دۆسته‌كه‌ى كوشتوویانه‌، پاشان ته‌رمه‌كه‌یان سووتاندووه‌ و له‌شوێنێكى دووره‌ده‌ست، شاردووه‌ته‌وه‌.

دواى لێكۆڵینه‌وه‌كردن، سه‌ره‌داوه‌كان ئاشكرا ده‌بن و به‌هه‌ردوو تاوانباره‌كه‌ ده‌گه‌ن و ئه‌مڕۆ ژنه‌كه‌ ده‌ستگیر ده‌كه‌ن.










باسنيوز