سه‌رچاوه‌یه‌كی ئاگادار، ئه‌مڕۆ دووشه‌ممه‌ 15/ 1/ 2018 ئاشكراى كرد، دانوستان له‌نێوان ئیئتیلافی ده‌وڵه‌تى یاسا (به‌سه‌رۆكایه‌تی نوورى مالیكی) و ئیئتیلافی فه‌تح (به‌سه‌رۆكایه‌تی هادى عامرى) بۆ ئه‌وه‌ى به‌یه‌ك لیست به‌شداری هه‌ڵبژاردنى داهاتووى ئه‌نجومه‌نى نوێنه‌ران بكه‌ن، ده‌ستیپێكردووه‌.


سه‌رچاوه‌یه‌كی ئاگادار، ئه‌مڕۆ ڕایگه‌یاند: "دواى كشانه‌وه‌ى چه‌ند لایه‌نێكى سه‌ره‌كى له‌ ئیئتیلافه‌كه‌ى حه‌یده‌ر عه‌بادى، هادى عامرى و نوورى مالیكی ده‌ستیان به‌ گفتوگۆكردن كرد".


ئاشكراشی كرد، گفتوگۆى نێوان ئه‌و دوو لایه‌نه‌ بۆ تێكه‌ڵكردنى ئیئتیلافی ده‌وڵه‌تى یاسا و ئیئتیلافی فه‌تح، ده‌ستی پێكردووه‌، به‌ڵام تائێستا نه‌گه‌شتوونه‌ته‌ ڕێككه‌وتن و گفتوگۆكان، به‌رده‌وامن.


ئه‌مڕۆ دووشه‌مه‌، ئیئتیلافی فه‌تح به‌سه‌رۆكایه‌تی عامرى، كشانه‌وه‌ى خۆى له‌ هاوپه‌یمانێتى (نه‌سڕ) به‌سه‌رۆكایه‌تی حه‌یده‌ر عه‌بادى، ڕاگه‌یاند.

bas news-