پەرلەمانتارێک رایدەگەیەنێت، کە بە ئاگاداریی سەرۆکایەتیی پەرلەمانی عێراق، گرێبەستێکی گەندەڵی لەسەر سامانی گشتیی وڵات، ئەنجام دراوە.



عەبدولئیلاه نائلی، پەرلەمانتاری عێراق لە لێدوانێکی رۆژنامەوانیدا رایگەیاندووە، کە لە دانیشتنی رۆژی چوارشەممە 3/1/2018ـی پەرلەمانی عێراق، بابەتی دەست لەکار کێشانەوەی موتەشەر سامەڕائیی پەرلەمانتار، ”گوماناوی“ بوو.



عەبدولئیلاه نائلی دڵنیایی خۆی لەوە نیشان دەدات، کە دەست لەکار کێشانەوەکە گرێبەستێکی گەندەڵییە و بە ئاگاداریی دەستەی سەرۆکایەتی (سەلیم جبووریی سەرۆک، ئارام شێخ محەمەد و خالید عەتییەی جێگرانی سەرۆک) ئەنجام دراوە.



لە دانیشتنی رۆژی چوارشەممەدا، سەرۆکایەتیی پەرلەمان بابەتی دەست لەکار کێشانەوەی موتەشەڕ سامەڕایی بە ”بەهانەی“ نەخۆشییەوە و دانانی موسەننا سامەڕایی لە شوێنەکەی، خستە بەر باس.



زۆربەی پەرلەمانتاران پێیان وایە ئەو دەست لەکار کێشانەوە و دەست بەکاربوونەی هەردوو سامەڕاییەکە، لە کاتێک دا تەمەنی پەرلەمان تەنیا چوار مانگی ماوە، بۆ خانەنشینبوونی هەردووکیان و وەرگرتنی مووچەی خانەنشینی بووە.




باسنیوز