سەرۆکی پەرلەمان بە ھێزێکی زۆرەوە سەردانی شاری بەسرەی باشووری عێراق دەکات.

بەپێی گرتەیەکی ڤیدیۆیی، کە لە تۆڕە کۆمەڵایەتییەکان بڵاو کراوەتەوە، ھێزێکی زۆری سوپا و میلیشیا عێراقییەکان یاوەریی کاروانی ئۆتۆمبێلەکانی سەلیم جبوری، سەرۆکی پەرلەمانی عێراق دەکەن.

ھەروەک ماڵپەڕی (بەغداد پۆست) بڵاوی کردووەتەوە، سەلیم جبووری کاروانەکەی بە زیاتر لە ٥٠ ئۆتۆمبێلی سەربازیی پڕ لە چەکدار و سەربازی عێراق، بۆ بەسرە بەڕێ کردووە و خۆیشی بە فڕۆکەیەکی تایبەت و بە پاسەوانیی چەند فڕۆکەیەک، چووەتە شارەکە.

ھەروەک لە گرتە ڤیدیۆییەکەدا دەردەکەوێ، سەدان چەکدار و سەربازی ھێز و میلیشیا عێراقییەکان لەناو ئۆتۆمبێلەکاندان.









باسنيوز