به‌هۆى شه‌ڕى نێوان عه‌شیره‌ته‌كانه‌وه‌، قه‌ده‌غه‌كردنى هاتوچۆ له‌ شارى غه‌ڕاف له‌ باكوورى شارى ناسڕییه‌ى ناوه‌ندى پارێزگاى زیقار، ڕاگه‌یاندرا.


سه‌رچاوه‌یه‌كی ئه‌منی له‌ پارێزگاى زیقار، ڕای گه‌یاند: "به‌هۆى شه‌ڕى نێوان عه‌شیره‌ته‌كانه‌وه‌، قه‌ده‌غه‌كردنى هاتوچۆ له‌ شارى غه‌ڕاف، له‌ سنوورى پارێزگاكه‌ ڕاگه‌یاندرا".


ئاماژه‌ى به‌وه‌شدا، كه‌ بڕیارى قه‌دغه‌كردنه‌كه‌ بۆ ئه‌وه‌یه‌، شه‌ڕه‌كه‌ بوه‌ستێننه‌وه‌ و قوربانى نه‌كه‌وێته‌وه‌.

ماوه‌یه‌كه‌ شه‌ڕى نێوان عه‌شیره‌ته‌كان پارێزگاكانى باشوورى عێراقی گرتووه‌ته‌وه‌ و له‌ چه‌ند شارێكدا ته‌شه‌نه‌ى كردووه‌، به‌شێوه‌یه‌ك كه‌ میدیاكانى عێراق باس له‌وه‌ ده‌كه‌ن، حكوومه‌ت هیچ ده‌سه‌ڵاتێكى به‌سه‌ر ئه‌ عه‌شیره‌تانه‌وه‌ نه‌ماوه‌.
bas news-