پۆلیسی كەربەلا داوا لە هاووڵاتیانی شارەكە دەكات كامێرای چاودێری لەنێو ئۆتۆمبێلە تاكسی و گشتی و تایبەتەكانیش جێگیر بكەن، هەروەها داواش دەكات لەنێو ماڵەكانیشدا كامێرای چاودێری دابمەزرێنن.


عەلا غانمی گوتەبێژی بەنێوی فەرماندەیی پۆلیسی كەربەلا ئەمڕۆ دووشەممە رایگەیاند كاروانی هێزەكانیان بەنێو تەواوی جادە و شەقامەكانی شارەكەدا دەگەڕێن و هاووڵاتیان هان دەدەن كامێرای چاودێری لەنێو ئۆتۆمبێلەكانیان و ماڵەكانیان دابمەزرێنن.


غانمی ئەوەشی گوت كە فۆڵدەری ژمارەی هێڵی گەرمیان بەنێو خەڵكدا بڵاوكردووەتەوە، بۆ ئەوەی لە ساتێكی ڕوودانی هەر بابەتێكی لەناكاو و چاوەڕوانەكراودا لە ڕێگەیانەوە پەیوەندی بە پۆلیسەوە بكەن.


گوتەبێژەكەی پۆلیس گوتیشی داوایان لە خەڵكی كەربەلا كردووە شتی گرانبەها و پارە لەنێو ئۆتۆمبێلەكانیان بەجێ نەهێڵن، ئەگەر دەشتوانن كامێرای چاودێری لەنێو تەواوی ئۆتۆمبێلەكانی شارەكەدا جێگیر بكرێت.
bas news-