لژێر درووشمێ "پێکڤە ژیان ل مێرگەها بەهدینان"، سێیەمین فێستیڤالا کلتوری و پێکڤەژیانێ ل یاریگەها تەپاپێ یا ئامێدیێ هاتە گێران.
ئەڤ چالاکییە ئەڤرو، ب ئامادەبونا هژمارەکا زورا کەسایەتی و رەشەنبیرو تەخ و چینێن ژێک جودا، ژلایێ هەردوو رێڤەبەرێن گشتی یا رەوشەنبیری و هونەری دهوک وئامێدیێ برێڤەچوو.
لدەستپێکێ بخێرهاتنا ئامادەبۆیان هاتەکرن، پاشان پەیڤا رێڤەبەريا رەوشەنبيرى و هونەری يا ئامێديێ ژلایێ بەرپرسێ رێڤەریێ، نەوزاد شەعبان هاتە گوتن، تێدا ئاماژە دا گرنگیا ڤێ فێستیڤالێ و دیسان باس ل روولێ ڤێ دەڤەرێ کر هەر لسەردەمێ ميرێن مێرگەها بەهدينان و تا نها روله كێ گرنگ هەیە د پاراستن و موكمكرنا پێکڤەژیانێ.
گوت ژی، گێرانا فێستیڤالێ روحەكا پتر دهێتە دان ژبو پتر خورتکرناپێكڤه ژيانێ و
سوپاسيا رێكخراوا يونيسيڤ کر ژبو هاريكاريا وان ب گێرانا ڤێ فیستیڤالێ.
لدویف دا جيفرى بيتس به ربرسێ پەیوه ندی و راگەهاندنا یونيسێڤ ل عيراقێ راگەهاند: زور دلخۆشوم ب ئامادەبونا دناڤا ڤێ فيسيتيڤالا كلتورى يا پێكڤه ژيانێ دا،
هەلبەت جارا ئێکێ یە دهێمە ئامێدی جهێ پێكڤه ژيانێ، لێ نه غەريبه بومن ل ئامێديێ کارەکێ ل ڤی رەنگی بهيت كرن، پشتى من ميژوويا ئاميديئ خاندى، چونکی هەر ژ کەڤندا جهێ پێکڤە ژیانێ بویە، و ئەڤهژى رەوشهنبيريەتا خەلکێ دەڤەرێ نيشان ددەت.
حسين خالد ده ڤهردارێ ئاميدیێ پەیڤەک خاند، تێدا دیارکر، ساخکرنا ڤێ فێستیڤالێ، نيشانا زەنگينيا ڤێ دەڤەرێ یە، هەر ژ کەڤندا ئامێدیێ تابلويا پێكڤه ژيان و دەڤەرەكا بەرخودانیێ بويە.
خالد، سوپاسیا لايەنيێن بەشدار کر، بتايبەت يونيسێڤ و ريڤەبەريا گشتى روشەنبيرى ل دهوک.
پاشان رێکخەرێ هەردوو فێستيڤالێن سالێن ٢٠٠٦ ، ٢٠٠٧، محەمەد محسن، پەيڤەك خاند و گوت "هه ر وەلاتەكێ دڤێت گرنگيێ ب كلتورێ وەلاتێ خو بدەت ژبو نياسينا كلتور و ميژوويا خو بو جيهانێ، ئەڤ فێستيڤالێن بورى ژلایێ كادرێن لقا هەژده هاتبو گێران.
ئاماژه دا وێ يەکێ دا، كو دڤێت زانكويه ك ل دەڤەرا ئاميدیێ بهێته ئاڤاكرن ژبوی کو ئەڤ دەڤەرە پتر ئاڤەدانیێ بخوڤە ببینیت.
مێسەر عوبید، ئێک ژ ئەندامێن لیژنا بلندا فێستیڤالێ ب پەیامنێر راگەهاند، هەلبەت فلکلور تاکە تشتە نها مروڤان کومڤە دکەتن، چونکی دڤی سەردەمێ تەکنولوژیایێ دا تال یێن ژێک دویرکرین، تەنها تەکنولوژیا دشێت دوو مروڤان دگەل ئێک کومڤەبکەت، لەوما مە ڤیا ب رێکا ڤێ فێستیڤالێ کلتورێ کوردەوای نیشانی گەنجێن ڤی سەردەمی بدەین وەکو دیار زور بەیا گەنجێن نوکە دویرن ژ دیتن و بکارئینانا تشتێن کلتوری.
عوبید، ئەوجەندژی دا دیارکرن، دئایندەدا مە لبەرە ب ئەڤ فیستەڤاڵە ببیتە فێستیڤالەکا ئینتەرناشێنالی.
دناڤا فێستیڤالێ دا چه ندين موزيكێن كوردەوارى ژ لايێ چەند موزيكژەنان ڤه هاتنه ژەنين و چە ندين سترانين فلكورى ژلايێ دەنگبێژێن ژن و مێر يێن فلكورى هاتنه گوتن.
پاشان چه ندين نمايشين شێوازێن كاركرنا كوردەوارى هاتنه پێشكێشكرن چه ندين ياريێن كوردەوارى تێدا هاتن كرن.
پاشان ل دووماهيێ بگوتنا چەندين سترانێن زاروكان و دەهوات كرن و چەندين شێوازێن دەهواتين فلكوريێن كوردى هاتنه نمايشكرن.
لدوماهيێ هه ردناڤا ڤێ فێستیڤالێ دا پێشانگەهەکا وێنە و گيا و دەرمانێن كوردەوارى هاته ڤەكرن.