بڕیاره‌ له‌ماوه‌ی هه‌فته‌یه‌كدا ده‌زگای رۆشنبریی جه‌مال عیرفان، سێ چاپكراوی نوێی تایبه‌ت به‌ زه‌رده‌شت بڵاوبکاتەوە کە وه‌ك پەیامبەرێک و خاوه‌ن په‌یامێك ده‌خاته‌ڕوو.
كتێبه‌كان پێكهاتوون له "فه‌لسه‌فه‌و ئاینی زه‌رده‌شت" لە نووسینی ئه‌حمه‌د عه‌باسیان و لە وه‌رگێڕانی ره‌زا مه‌نوچه‌ری، "زه‌رده‌شت و دینی بهدینان له‌گه‌ڵ په‌یمانی زه‌رده‌شت" لە نووسینی عه‌لی ئه‌كبه‌ری جه‌حفه‌ری و لە وه‌رگێڕانی هیوا میرزایی و "سه‌رهه‌ڵدان و ئاوابوونی ئاینی زه‌رده‌شت" لە نووسینی ئار سی زنر و لە وه‌رگێڕانی شه‌ماڵ ته‌رغیبی.
ئه‌م چاپكراوانه‌ بەم نزیکانە دەخرێنە بازاڕی کتێبفرۆشانەوە کە لەسەر ئەرکی د. ته‌ها ره‌سووڵ چاپکراون و لەلایەن دەزگای رۆشنبیریی جەمال عیرفان بڵاودەکرێتەوە.
دەزگای رۆشنبیریی جەمال عیرفان، تا ئێستا چەندین کتێبی بەچاپ گەیاندووە و لە چەندین پێشانگاشدالە ناوەوە و دەرەوەی وڵاتدا خرانەتەڕوو.