بەم دواییە کتێبێک لەبارەی کەسایەتی نیلسۆن ماندێلاوە، بە زمانی فەڕەنسی بڵاوکرایەوە، تیایدا تیشک خراوەتە سەر کەسایەتی ماندێلا لە رێگەی گوتارەکانییەوە.
ئاژانسی ئاسۆشێیتد پرێس بڵاویکردۆتەوە، کتێبەکە لە نووسینی فرانسوا زافییە فۆفێلە و بەناونیشانی "داخوازێک بۆ مێژووی ماندێلا لە رێگەی گوتارەکانییەوە"یە.
لەم کتێبەدا باس لە کاریگەری گوتارەکانی ئەو سەرکردەی ئەفریقیا دەکات لەسەر جەماوەر.
لەم کتێبەدا سێ گوتاری ماندێلا بە نموونە ئاماژەیان بۆ کراوە و شیکردنەوە بۆ وشە و دەربڕینەکانی کراوە کە لە هەڵبژاردنی وشە و فرمانی گونجاو و بەهێزدا زۆر لێهاتوو بووە.
ماندێلا لە ساڵی ١٩١٨ لە دایک بووە و لە ساڵی ٢٠١٣ـدا گیانی لەدەستدا و بە یەکێک لە کەسایەتییە کاریگەرەکانی جیهان دەناسرێت.