به‌ڕێوه‌به‌رایه‌تی گشتی پلاندانانی په‌روه‌رده هۆشداریی ده‌داته كاندیدانی سه‌رفه‌رنه‌كردووی پڕۆژه‌ی توانا سازیی
ئه‌مه‌ش ده‌قی راگه‌یاندنه‌كه‌یه:
به‌پێی بڕیاری ئه‌نجوومه‌نی وه‌زیران ، ژماره ( 7208) ی به‌رواری 24/7/2013 و ئاماژه به نووسراوی وه‌زاره‌تی پلاندانان. ژماره (3436) ی 21/7/2013 ، به‌ڕێوه‌به‌رایه‌تی گشتی پلاندانانی په‌روه‌رده ، ئاگاداری پاڵیوراوانی پڕۆژه‌ی تواناسازی فه‌رمانبه‌رانی هه‌رێم كه تائێستا سه‌رفه‌ریان نه‌كردووه، ده‌كاته‌وه كه ئه‌گه‌ر تا به‌رواری 20/8/2013 به‌شداری كۆبوونه‌وه‌ی تایبه‌تی پاڵیوراوانی هه‌ر چوار به‌ڕێوه‌به‌رایه‌تیه گشتییه‌كانی په‌روه‌رده نه‌بن و ڕوونكردنه‌وه‌ی ته‌واو نه‌ده‌ن به وه‌زاره‌ت، بڕیاری لێسه‌ندنه‌وه‌یان له لایه‌ن وه‌زاره‌تی پلاندانانه‌وه بۆ ده‌رده‌چێت.
