Li rojhilatê bajarê Mûsilê, di encama teqîna otomobîleke bomberêj de 8 kes mirin û 4ên din jî birîndar bûn.

General Xalid Ebdilsetar ji AKnewsê re ragihand, “Îro, rojhilatê bajarê Mûsilê, otomobîleke bombekirî li nava komnişîneke welatiyên Şebek de teqiya û di encamê de 8 polîs mirin û 4 jî birîndar bûn.”

Derbarê bûyerê de, Ebdilsetar wiha got, “Êriş di nav komnişîna Xedîr 40 km rojhilatê Mûsil de pêk hatiye ku piraniya nişteciyê wê kurdên şebek in û di encamê de, 8 kesan jiyana xwe ji dest dane û 4 kesên din jî birîndar bûne.”

Tê zanîn karên tundûtûjiyê di çend bajarên Iraqê de zêde bû û bi taybet li bajarê Mûsilê, piştî wergirtina hêzên Iraqê dosya ewlehiyê ji hêzên Dewletên Yekbûyî yên Amerîkayê (DYA) û vekêşana hêzên DYAyê.

Hêjayî gotinê ye, bajarê Mûsilê navenda parêzgeha Nînowayê ye û 405 kilometir bakurê Bexdayê ye, hinek deverê wê parêzgehê ji deverên nakokdar di navbera Hikûmeta Herêma Kurdistanê û Hikûmeta Iraqê de tên jimartin.

AKnews