Îstixbarata Niştimanî ya Amerîkayê behsa egera vekişîna Amerîka ji Rojavayê Kurdistanê kir
![Îstixbarata Niştimanî ya Amerîkayê behsa egera vekişîna Amerîka ji Rojavayê Kurdistanê kir](https://gulanmedia.com/public/old_images/articles/573549Image1.jpg )
Di raporta Dezgeha Îstixbarata Niştimanî ya Amerîkayê de behsa wê yekê hatiye kirin, ku Kurd li Rojavayê Kurdistanê rastî guvaşeke mezin ji çend aliyên cuda tê, hem li nav Sûriyê û hem li Rojavayê Kurdistanê.
Raporta Dezgeha Îstixbarata Niştimanî ya Amerîkayê behsa gefên ser Amerîkayê yên di sala 2021 de dike û bêtir giringî daye Çîn, Rûsya, Îran û Koreya Bakur.
Lê di beşa Rojhilata Navîn a raportê de, dema behsa krîza Sûriyê û berdewamiya gefên ji wî welatî ve bo ser Amerîka û berjewendiyên wê dike, li wir behsa guvaşên li ser Kurdan dike û têde hatiye: “Îsal jî Kurdên Rojavayê Kurdistanê rastî guvaşên mezin ên sê aliyên Tirkiye, Rûsya û Sûriyê jî dibin.”
Di beşeke raportê de hişyarî hatiye dan, ku eger Amerîka ji wê navçeyê vekişe, dê guvaşên li ser Kurdan zêdetir bibin.
Herwiha raport amaje bi wê yekê jî dike, ku “hêzên Amerîkayê li Sûriyê rûbirûyê gefên Îran, Sûriye û grûpên çekdar ên nêzîk li Sûriyê û Îranê jî dibin.”
Rudaw