Li Rojavayê Kurdistanê ji ber Koronayê qedexeya hatinçûnê hat ragihandin
![Li Rojavayê Kurdistanê ji ber Koronayê qedexeya hatinçûnê hat ragihandin](https://gulanmedia.com/public/old_images/articles/qedexe.png )
Rêveberiya Xweser di daxuyaniyekê de ji ber zêdebûna haletên pêketina bi vîrûsa Koronayê qedexeya çûnûhatinê ji bo hefteyekê li Rojavayê Kurdistanê ragihand û qedexe îro dest pê dike.
Li gor wê biryarê, qedexeya giştî li Heseke, Qamişlo û Reqayê dibe û li bajarên din yên Rojavayê Kurdistanê û herêmên Rêveberiya Xweser qedexeya sînordar ji demjimêr 4 piştî nîvro û heta 6ê sibehê dibe.
Li gor amarên rojane yên ku ji aliyê desteya tendirostî ya Rojavayê ve têne belavkirin, ev demkêke hêjimara kesên ku bi Koronayê dikevin zêde bûye û heta niha bi giştî nêzî 400 kesan canê xwe ji dest dane.