Serok Barzanî: Remzî Şaban ji min re dostekî nêzîk, bira, heval û hevsengerekî emîn bû
![Serok Barzanî: Remzî Şaban ji min re dostekî nêzîk, bira, heval û hevsengerekî emîn bû](https://gulanmedia.com/public/old_images/articles/1617486643Sarok-Barz.jpg )
Serok Mesûd Barzanî di peyama xwe de got: “Bi mixabiniyeke mezin, roja 3ê Nîsana 2021an Pêşmerge, xebatkar, kadro serkide, şoreşger, endamê Encûmena Serkirdatiyê û berpirsê Nivîsgeha Birêvebirin û Darayî ya Partiya Demokrat a Kurdistamê heval Rezmî Şaban ji ber nexweşiyê koça dawiyê kir. Remzî Şaban temenê xwe ji bo xebat, Kurdayetî û xizmetkirina di nava rêzên PDKê de terxan kir û di hemû qonaxan de kadro û Pêşmergeyekî dilsoz û wefadarê rêbaza Barzanî û niştimanperwer bû û her dem erk û karên xwe bi ruhekî kurdane, bêwestan û bi baştirîn şêwe andam dida.”
Serok Barzanî dibêje: “Remzî Şaban ji min re dostekî nêzîk, bira, heval, hevsengerekî emîn û xweşewîst bû. Ew di qonaxên cuda yên şoreşa çiya, bajar, sirgûn û xebatên partiyê de bê navber û bi baweriyeke xurt a ji bo rêyeke pîroz dewam kir û di wê rêyê de gelek westan dît. Koça dawî ya Remzî Şeban û windakirina wî pêşengê bêwestan ji bo me hemûyan windahiyeke mezin e.
Di peyamê de hat: “Serxweşiyê li xwe, malbata têkoşer Remzî Şaban, serkirdatî, kadro, endam û alîgirên PDKê, heval û hevsengerên xwedêjêrazî Remzî Şaban û hemû şoreşgerên azadîxwazên Kurdistanê dikim.”
Serok Barzanî ji xwedêyê mezin daxwaz dike, ruhê xwedêjêrazî Remzî Şaban bi bihuşta perîn şad bike û sebir û aramiyê bi hemû aliyan bibexişe.
Basnews