Stranbêja Kurd Mijdîn amade ye bo azadkirina keçên êzîdî bi berpirsên DAIŞê re biaxive.

Mijdînê bi riya telefonê ji Rûdawê re ragihand ku ew pirr caran difikire bi çekdarên DAIŞê re bipeyve da ku keçên êzîdî îşkence nekin û dev ji gelê Kurd biqerin.

Mijdînê wiha axivî: “Ez bawer nakim kes qasî min difikire. Ez hertim di xeyala xwe de li hin riyan digerim da bikarim bi DAIŞê re bipeyvim û guftûgoyê bi wan re bikim. Eger derfetek hebe ez dikarim wan bînim rayê û bihêlim ew keçên êzîdî azad bikin.”

Stranbêja Kurd got ew hazir e wêneyên xwe yên tazî li ser qapê kovarên cîhanî belav bike û pereyên ku ji vî karî qezenc bike ji penaberên Kobanî û Şingalê re bişîne.

Mijdînê got: “Dibe ku ez rastî rexneyeke zêde bêm, lê bo xatirê wan penaberan ez amade me xwe rût û tazî jî bikim!”

Rudaw