Mela Bextiyar: Dê encamên civîna Hotêl Reşîd xirab bin
![Mela Bextiyar: Dê encamên civîna Hotêl Reşîd xirab bin](https://gulanmedia.com/public/images/posts/20240815131100_original_1.jpg )
Rêveberê berê yê YNKê behsa metirsiya encamên xirab ên civîna encûmena parêzgeha Kerkûkê ya li Hotêl Reşîd a bajarê Bexdayê û helbijartina parêzgarekî ji YNKê dike.
Rêveberê payebilind ê berê yê YNKê Mela Bextiyar di gotara xwe ya îro 14.08.2024ê de amaje bi mijara rêkeftina YNK û erebên Kerkûkê taxima Reyan Kildanî da û ragehand ku ‘’Çanda siyasî ya Iraq û Kurdistanê ev e. Helbijartin bi şikil e. encamê helbijartinê ne nirxê demokrasiyê ye. Giraniya aliyan û biryardan li desthilatê, li gel wan hêzaneye ku xwedî hêza leşkerî ne, ne ku kursiyên wan kêm an zêde ye.’’
Herwaha diyar kir li gor wî: ‘’Bê rêkeftina li gel aliyên Kurdistanê li navçeyên madeya 140, civîna Hotêl Reşîd (armanca wî civîna YNK û hevpeymanên wê ye) dê nakokiyên me kûrtir bike û encamên wê jî dê xirab bin.’’
Mela Bextiyar diyar kir: ‘’Li ser siyaseta YNKê ya piştî kongreyên partiyê yên çarem û pêncem, helwêstên me yên cuda hene û ez ne amademe di bin serokatiya vê rêveberiyê de û ew siyaseta naha ya YNKê de berpirsyartiyê qebûl bikim.’’
Mela Bextiyar di beşeke din a nivîsa xwe de aşkera dibêje: ‘’Ez di aliyê xwe de naveşêrim, berî helbijartina encûmena parêzgehan û piştî wê jî ez ji rewşa metirsîdartir tirsiya me û ez hîn jî jê ditirsim!’’
Herwaha diyar kir: ‘’Ez naveşêrim Kurd û Kurdayetî ji bo min ji hemû partiyan pîroztir e. Ji ber wê jî metirsî heye, ji rewşê, ji ber civîna Hotêl Reşîd dê ziyanên zêdetir bigehin Kurdan.’’