Îro li Hewlêrê komcivîna xwendina bilind ya Urdinî Kurdistanî bi amadebûna Serokwezîr Mesrûr Barzanî destpê kir û di destpêka vê komcivîna han de Serokwezîr gotarek pêşkêş kir ku, ev jî çend beşeke ji vê gotara haneM;

Bi navê xwedê mezin

Mêwan û amadebûyên hêja gelek bixêr hatin

Bixêrhatina we û mêwanên birêz, şanda şahnişîna Urdinê bo herêma Kurdistanê dikim û spasiya Organîzatorên vê komcivînê dikim û hêviya serkeftinê jê re dixwazim.

Hêvî dikim di nava wan çend rojan de, encamp û rasipardeyên girîng û bisûd werin pêşkêşkirin û ev dîdara han bibe sedema pêşxistina zêdetir ya xwendina bilind li herêma Kurdistanê de.

Rêzdariya me bo hevkarî û hemahengiya şahnişîna Urdinê ya li gel hikûmeta herêma Kurdistanê di warên curbicur de heye.

Kêfxweşin ku, têkiliyên dîrokî û dostane li gel şahnişîna Urdinê bi rêberatiya xwedan şiko şah Ebdulahê duyem ku, di qonaxên cuda cuda de piştîvan û hevkarê Kurdistanê bûye, hene.

Birêzan

Pêşxistin û pêşde birina xwendin, navend û dazgehên akademîkî yek ji karên sereke yên meye û dixwazin zanîngeh û navendên akademîkî yên me li gor asta pêşkeftinên bilez yên serdemê bin û bibin alîkar bo prosesa geşe pêdana jêrxana abûriya me.

Raste salên derbasbûyî em rastî çend qirîzên curbicur bûne û me kariye gelek ji wan jî derbas bikin lê çend kêşe û qirîz jî hebin vê ti carî em li ser girîngî dan bi pêşxistin û pêşde birina xwendin û zanîngehan sar nakin, lazime zanîngehên me jî hevkar û alîkar bin bo dîtina çareser bo kêşe û qirîzan ku, derdikevin û bi rêya plan û nexşe rêyên zanistî hevkariya hikûmetê bikin daku, bernameya pir alî ya reforman bidomîne.

Bendewariyên me ji zanîngehan gelek zêdene bo ku, rola xwe ya bibandor ne tenê weke navendên hînkarî û pêgehandinê belku, weke dezgehên zindî yên rewşengerî û bizvênera nûxwazî û dahênanê jî bin.

Em hertim dixwazin aramî û ewlekarî li herêma Kurdistanê, Îraq, dever û cîhanê de hebe, di vê çarçoveyê de jî hertim herêma Kurdistanê hewl daye û kar kiriye bo ku, roleke erênî bo dabîn kirina ewlekarî û asayîşê bilîze, jiber ku, bi tenê di nava rewşeke aram de dikarin kar li ser pêşde birina civakê di tevahiya waran de bikin bo ku, bigehêjin asta welat û civakên pêşkeftî, em di warê samanên însanî û madî de tişteke me ji wan ne kême û tenê rewşeke aram û birêvebirineke jêhatî û dahêner ji me re lazime daku, bigehêjin asta pêşkeftinên serdem.

Careke din bixêr hatina mêwanên birêz dikim û destxweşî li we dikim bo organîzekirina vê komcivînê û hêviya serkeftinê ji we re dixwazim.