• Sunday, 14 April 2024
logo

Bi hezaran geştyar ji bo berfê çûne serdana Çiyayê Korekê

Gulan Media February 4, 2023 Corane
Bi hezaran geştyar ji bo berfê çûne serdana Çiyayê Korekê

Bi sedema hatina demsala zivistanê û barîna berfê hejmareke zêde ya geştyarên zivistanê bi teleferîkê diçin Çiyayê Korekê û beşek ji wan şeva xwe di vîla û malên projeyên geştiyariyê yên de dimînin.

Roja Înê bi hezaran geştyar çûn ser Çiyayê Korekê ku qerebalixiyeke zêde çêbû. Piraniya geştyaran ji naverast û başûrê Iraqê hatibûn û beşek ji wan jî welatiyên bajarên Herêma Kurdistanê bûne.

Xwendekara zankoyê Îsra Mihemed ji Rûdawê re got, “Em komek xwendekarên Mûsilê ne, hewaya vir gelekî xweş e û niyeta me heye ku em li vir bimînin.”

Şeva borî hin geştyar vegeriyan Hewlêrê û ji ber wê jî li ser cadeyan qelebalixiyeke zêde hebû.

Desteya Geştûguzariyê ya Herêma Kurdistanê dibêje, nêzîkî %15 geştyarên Herêma Kurdistanê geştiyarên zivistanê ne.

Berdevkê Desteya Giştî ya Geştûguzarî ya Herêma Kurdistanê Îbrahîm Ebdulmecîd ji Rûdawê re ragihand, par zêdetirî şeş milyon geştiyaran serdana Herêma Kurdistanê kirine.

 

Rudaw

Top