Hunermenda navdar a Kurd Helly Luv ligel stranbêje Alman ê bi navê Ardian Bujupi video klîbek amade kirine.



Klîba Helly Luv a ku ligel Ardian Bujubi amade kiriye li ser televîzyona Rûdawê belav bû.



Tîmeke Alman dîmenên klîba GUNS & ROSES (Çek û Gul) li Dubey tomar kir.



Ardian Bujubi derbarê xwe û peywendiyên ligel Kurdan de ji Rûdawê re wiha got: “Ez li başûrê Almanyayê ligel Kurdan mezin bûm. Li vê derê hejmareke zêde ya Kurdan heye. Ez xwe gelek nêzîkî Kurdan dibînim. Ez ji Kosovoyê me û wek Kurdan heman pirsgirêkên me yên netewî hene. Wek tê zanîn Kosova berî 6 salan jî ne dewletek serbixwe bû. Têkoşîna me jî wek a Kurdan berdewam e. Tevahiya hevalên min Kurd in.”



Derbarê klîbê de jî Bujubi got: “Li Almanyayê ev 3-4 sal in hemû kes çîroka Helly Luv û çawa dest bi karê muzikê kiriye dizanin. Helly Luv li ser Instaframê ez şopandim û min jî piştre ew şopand. Her tim peywendiyên me hebûn. Mehsa straneke hevbeş dikir. Menejerên min çûn Kurdistanê û ligel menejerên Helly Luv hevdîtin kirin. Piştre ji bo pêkanîna vê projeyê me dest bi hevdîtinan kir. Encam jî bû ev berhem.”

Rudaw