Nivîskar û rojnamevanekî Kurdistanê koça dawî kir!
Berpirsê baskê Silêmaniyê yê sendîkaya rojnamevanên Kurdistanê Karwan Enwer ji BasNewsê re ragehand: ‘’Îro 16.12.2018ê nivîskar û rojnamevan Mistefa Salih Kerîm li bajarê Silêmaniyê ji ber nexwaşiyê koça dawî kir.’’
Herwaha got, Mistefa Salih Kerîm di temenê karê xwe de xizmetek mezin gehande karwanê rojnamevaniya kurd kiriye û xwedî rol bû di wêjeya kurdî de.
Karwan Enwer ragehand: ‘’Mamosta Mistefa Salih Kerîm heman demê alîkarê berpirsê ofîsa ragehandina YNKê bû.’’
Herwaha derbarê koça dawî ya Mistefa Salih Kerîm de, ofîsa ragehandina YNKê jî peyamek belav kir û di peyama xwe de behsa rol û bandora rojnamevan kir. Ji bo wê jî Serxweşî li ragehandina YNKê, rojnamevanan, wêjevanê kurd û kesûkar û malbata navborî kir.
