Parlamentoya Belçîkayê bi piraniya dengan komkujiya Kurdên Êzidî weke jenosîd nas kir û ji hikûmeta welatê xwe daxwaz kir ku alîkariya vegera Kurdên Êzidî bo cih û warên wan bike.

Parlamentoya Belçîkayê îro pêncşemê ji bo pesendkirina projeyasaya naskirina jenosîda Kurdên Êzidî civiya û bi piraniya dengên parlamenteran komkujiya Kurdên Êzidî weke jenosîd hat qebûlkirin.

Herwiha parlamento ji hikûmeta Belçîkayê daxwaz dike; alîkariya Êzidiyan were kirin, da ku vegerin cih û warên xwe.

Parlamentoyê eşkere kir ku divê alîkariya wan kesan were kirin ku rûbirûyî tundiyê bûne û  dibêje: “Nabe ti tawanbarek rizgar bibe, bi taybetî li Iraq û Sûriyê.”

Herwiha parlamento daxwaza cîbicîkirina rêkeftina Şingalê dike.

Parlamentoya Hollanda jî roja 6ê Tîrmeha 2021 bi biryarekê komkujiya Kurdên Êzidî weke jenosîd dabû naskirin.

 

Basnews