Hunermendê kurd Bilind Îbrahîm stranên hunermendên navdar ên kurd wek Mihemed Şêxo, Tehsîn Teha, Eyaz Yûsif û Erdewan Zaxoyî di alboma xwe ya nû de dibêje.

Bilind Îbrahîm di vê derbarê de ji AKnewsê re daxuyand, “Alboma min a nû bi navê Dil Venebû ye û ji 15 stranan pêk tê û bi tenê bi amûrên ûd û derbekê li stodyoa A Muzîk hatine tomarkirin, kompaniya VIN Prodection jî berhemhênana wê kiriye.”

Îbrahîm aşkere kir ku ew ê 2 stranên alboma xwe ya nû bike kilîp û albom jî dê di meha bê de li seranserê Kurdistanê bête belavkirin.

Berpirsê kompaniya VIN Prodection Rêbîn Şukrî ji AKnewsê re got, “Di demeke nêzîk de wêne û dîzayna alboma hunermend Bilind Îbrahîm dê bête amadekirin, berî belavkirina albomê jî strana Peşîmanî wek reklam dê di nav kilîpekê de bê weşadnin.”

AKnews