سەرۆكی حكوومەتی هەرێمی كوردستان بەبۆنەی ڕۆژی لەدایكبوونی حەزرەتی مەسیح، پەیامێكی پیرۆزبایی ئاڕاستەی كریستیانانی كوردستان و عێراق كرد.

ئەمڕۆ سێشەممە 24ی 12ی 2024، مەسرور بارزانی، سەرۆكی حكوومەتی هەرێمی كوردستان بەبۆنەی یادی لە دایكبوونی حەزرەتی مەسیح، پەیامێكی پیرۆزبایی بڵاو كردەوە و ڕایگەیاند: "بە بۆنەی جەژنی لەدایکبوونی حەزرەتی مەسیح (دروودی خوای لەسەر بێت)، پیرۆزبایی لە کریستیانانی کوردستان و عێراق و جیهان دەکەم و هیوای جەژن و پشوویەکی ئارام و پڕ لە شادیيان بۆ دەخوازم."

لە پەیامەكەیدا، سەرۆكی حكوومەت جەختی لەوە كردووەتەوە، كە "كوردستان هەمیشە نیشتمانی بەیەکەوەژیانی ئایین و ئایینزای جۆراوجۆر بووە و پێویستە هەموومان، زیاتر پەرە بە کولتووری بەیەکەوەژیانی ئاشتییانە و پتەوکردنی ئاشتيی کۆمەڵایەتی و برایەتی و تەبایی نێوان گشت پێکهاتەکانی کوردستان بدەین."

لە كۆتاییشدا، دووبارە جەژنی لەدایكبوونی حەزرەتی مەسیح لە كریستانەكان پیرۆز دەكات و دەڵێت: "هەمیشە لە خۆشیدا بژین."