پرسه‌نامه‌ك له سه‌رۆكى هه‌رێمى كوردستانه‌وه
بۆ كۆچى دواييى خوالێخۆشبوو عه‌بدولخالق زه‌نگه‌نه، پێشمه‌رگه و تێكۆشه‌رى دێرين و ئه‌ندامى پێشووترى په‌رله‌مانى كوردستان، پرسه و سه‌ره‌خۆشى له خانه‌واده و كه‌وسوكار و هاوڕێيانى ده‌كه‌م، هاوسۆز و هاوخه‌ميانم. له خواى مه‌زن داواكارم خوالێخۆشبوو بخاته به‌ر به‌زه‌يى و ميهره‌بانيى خۆى و ئارامى و دڵنه‌وايى به هه‌مووان ببه‌خشێت.
خوالێخۆشبوو عه‌بدولخالق زه‌نگه‌نه پارێزه‌رێكى سه‌رسه‌ختى گه‌ل و وڵاته‌كه‌ى بوو، ته‌مه‌نێكى درێژى له خه‌بات و تێكۆشان و پێشمه‌رگايه‌تيدا به‌سه‌ر برد و به خامه و نووسينه‌كانيشى هه‌ميشه به‌رگرى له مافه‌كانى گه‌لى كوردستان كردووه، گيانى شاد و يادى هه‌ميشه به خێر بێت.
نێچيرڤان بارزانى
سه‌رۆكى هه‌رێمى كوردستان
2023/9/6
