بەرپرسێکی ئەمریکا لە گفتوگۆ لەگەڵ دەنگی ئەمریکا سەبارەت بە ڕفاندنی کەشتییەک بە ئاڵای ئیمارات لەلایەن حووسییەکانی یەمەن  گوتی: وا دەرنەدەکەوت کە کەشتییەکە، كەشتییەكی بازرگانی بێت.

بەرپرسەکە ڕۆژی دووشەممە 3ی کانوونی دووەم لە چاوپێکەوتنێکدا لەگەڵ کامبیز توانا، پەیامنێری بەشی فارسیی دەنگی ئەمریکا گوتی: كەشتییەكە لە ئاوی یەمەندا بەرەو باشووری دەریای سوور دەڕۆیشت و ئەمەش ئەوە نیشان دەدات کە وەک کەشتییە بازرگانییەکانی دیکە نییە، کە کەلوپەلی بازرگانیان دەگواستەوە. چونكە كەشتییەكانی دیكە بە شێوەیەكی ئاسایی بەسەر ڕێگا ئاوییە نێودەوڵەتییەكاندا دەڕۆن.

گوتیشی: وادیارە ئەمە یەكەم حاڵەتی فڕاندنی كەشتییەكی هاوپەیمانی  سعودییە لەلایەن حووسییەكان لە ماوەی دوو ساڵی ڕابردوودا.

ماڵپەری هەواڵی نەتەوەیی بڵاویکردەوە، ڕۆژی دووشەممە کەشتییەکە کەلوپەلی تایبەتیی پزیشکی و پەیوەندار بە نەخۆشخانەکانی هەڵگرتبوو، کە بریتین لە ئامبوڵانس و كەلوپەلی پزیشكی و چادری سەفەریی دروستكردن بۆ چێشتخانە و شوێنی جل شۆردن و ئامێرە تەكنیكییەكان بۆ پارێزگاری و پشتگیری ئەمنی.  

وتەبێژی هێزە ئەمنییەكانی هاوپەیمانیی سعودییە لە یەمەن، گوتی: ئێوارەی ڕۆژی یەکشەممە كەشتییەكە لە لایەن حووسییەکانەوە ڕفێندراوە.

 

 

 

 

 

گوڵان: سەردار خەلیل