ئەندامەكی جڤاتا پارێزگەها موسل دیار كر مەترسیا تیرۆرستێن داعش ل سەر مووسل هەیە. ئەو روودانێن ڤێ‌ دووماهیێ ژی ل مووسل رووداین دەستێ‌ داعش دگەلدایە، بتایبەتی ژی شانێن نڤستی یێن تیرۆرستێن داعش. هێشتا مووسل ژلایێ‌ هزری ڤە نەهاتیە رزگاركرن.

خەلیل شەمۆ، ئەندامێ‌ جڤاتا پارێزگەها مووسل دیار كر: "هیچ تشتەكێ‌ بەرچاڤ هەتا نۆكە بۆ مووسل نەهاتیە كرن وهێشتا میزانیا مووسل نەهاتیە مەزاختن وئەو پارێ بۆ ئاڤەدانیا مووسل ژی دیارنینە. هەتا نۆكە گەندەلی هەیە گەلەك پارە ب دەڤ بۆ موسل و دەشتا نەینەوا دهێتە مەزاختن، د وارێ بجه ئینانی دا ئەو هاریكاریا دیارنینە. هەتا نۆكە شیوەیەكی دروست تشتەكێ‌ وەسا نەگەهشتیە مە. بەری نۆكە 140 ملیار دینار هاتبوونە تەرخانكرن لێ‌ ناكۆكیێن سیاسی و گوهۆرینا پارێزگاری مووسل ئەو پارە دیارنەبوویە. ئەم داخوازێ دكەین هەڤكاریا مووسل بهێتە كرن داكو شینوارێن تیرۆرستێن داعش ل مووسل نەمینن هەتا نۆكە مووسل یا پرە ژ شینوارێن تیرۆرستان بتایبەتی ژی یێن وێرانكری".

خویا ژی كر:" ژێرخانەیا ئابۆری ل مووسل هێشتا یا وێرانكریە ب تایبەتی ژی لایی راستی ێێ‌ مووسل ب تەمامی یا وێرانكریە. هەتا نۆكە چو نەهاتیە كرن ئانكۆ بتنێ رزگاركرنا باژێری بەس نینە پێدڤیە هزرا خەلكێ‌ ژ توندەرویا داعش بهێتە پاقژكرن ئەڤە هیشتا نەهاتیە كرن".












باسنیوز