Cenazeyê 21 welatiyan li Efrînê hatin veşartin
Roja pêncşemê balafirên şer ên rejîma Sûriyê li taxa Şêx Mexsûd a bajarê Helebê bombe barandin û 21 welatiyên sivîl qetil kirin. Duh bi 100'an maşîne ber bi Efrînê ve bi rê ketin. Konvoya mezin cenazeyê 8 jê zarok, 21 welatiyên sivîl birin Goristana Şehidan a Efrinê. Girseyê li gundê Metîna yê Şera yê Efrinê bi dirûşmeyan cenazyên 21 kesan veşartin. Girseyê di merasîmê de bê navber dirûşmeyên “Şehîd namirin” bilind kirin, rejîma Sûriye û Baas şermezar kir.
Endamê Têkiliyên Derve yê Desteya Bilind a Kurd (DBK) Xerîb Huso, komkujî şermezar kir û diyar kir ku rejîma Baasê li dijî hemû gelê kurd komkujî pêk anîye. Huso, anî ziman ku li hemberî van êrîşan bêdeng namînin. Huso bang li gel kir û xewst li hemberî vê komkujiyê bêtir bibin yek û xwe bi hêz bikin. Mala şînê dê li ber Navenda Çandê ya Efrînê 3 rojan vekirî bimîne.
Kesên di komkujiyê de jiyana xwe ji dest dan wiha ne:
1-Emîne Îbrahîm Elî (12) Gundê Bênê
2-Yasemîn Îbrahîm Emer (15) Gundê Berbenê
3-Egît Mennan Mehemed (24) Gundê Bexşê
4-Emîne Mehemet Hesen (37) Gundê Basuta
5-Evdo Tofan Mehemed (23) Gundê Kelîbo
6-Nebî Heysem Huso (11) Gundê Kurtkulak
7-Suzan İbrahîm Cemîl Gundê Berbenê
8-Mehemet Nur Lokman Elî (5) Bajaroka Rajo
9-Remezan Ednan İbeş (20) Gundê Çolak
10-Şêrîn Mesut Nesan (5) Gundê Xilnêr
11-Ciwan Mesut Nesan (6) Gundê Xilnêr
12-Tolay Bedir Nesan (3) Gundê Xilnêr
13-Mistefa Mehemed Mistefa (18) Gundê Xilnêr
14-Elî Mehemed Mistefa (23) Gundê Xilnêr
15-Sewlî Mehemed Elîko Bajaroka Cindirêsê
16-Nede Nîdal Mamo (5) Bajaroka Cindirêsê
17-Nîzar Yasîn Mamo (31) Gundê Diroqliyo
18-Lokman Kemal Elî (38) Bajaroka Rajo
19-Fetum Mistefa Mistefa (50) Gundê Xilnêr
20-Cîhad Erebiya (37) Bajarê İdlib.
21- Nasnameya wî nehat zelalkirin.
Rudaw