Di encama bombebarana li taxa Şêx Meqsûd li bajarê Helebê de ku piraniya xelkê wê kurd in, 18 kes hatine kuştin ji wan 16 kurd in.

Li gorî nûçeya ANFê, duhî balafirên şer ên Sûriya taxa Şêx Meqsûd bombebaran kirin û di encamê de 16 welatiyên kurd û 2 welatiyên ereb hatine kuştin.

Çavkaniyê bal kişand ku balafirên şer ên rejîma Suriyeyê, di saetên êvarê de derdora Mizgefta Meirûf a taxa Şêx Meqsûd bombebaran kir.

Çavkaniyê aşkere kir ku bi sedema bombebaranê, 45 kes jî birîndar bûn û rewşa 6 kesan ji wan giran e.

ANFê xuya kir ku Ji nav welatiyên kurd ên ku jiyana xwe ji dest dane 14 kes ji Efrînê û 2 ji Kobanê ne.

AKnews