Hat zanîn, hejmara kesên ku di encama binavbûna gemiyeke penaberên Sûriya li parêzgeha Îzmîrê li Tirkiya ye de jiyana xwe ji dest dane gihişte 61 kesî û piraniya wan kurdên Sûriya ne.

Li gorî nûçeya ajansa Anadolê, ew gemî ku penaberên Sûriya, Iraq û Felestînê di nav de bûn, duhî nîvro di ava deriyaçeya Îcê li nêzîkî navçeya Menderes bin av bû.

Li gorî amdarên dawî yên aliyên fermî yên Tirkiya, 61 kes di encama binavbûna wê gemiyê de jiyana xwe ji dest dan û tenê 46 kes rizgar bûn.

Di nav qurbaniyan de, 28 zarok di nav 3 zarokê di nav pêçekê de û her wiha 18 jin hebûn.

Çalakvanên kurd ên Sûriya li ser rûpelên xwe yên Facebookê belav kirine ku praniya qurabniyên di wê gemiyê de jiyana xwe ji dest dane kurd in û xelkê parêzgeha Hesekê ne.

Di nav qurabniyên nêzîkî 12 kesan ji nav malbateke xelkê bajarê Hesekê hene.

AKnews