Polîtbûroya Partiya Demokrat a Kurdistanê (PDK) ragihandin ku hevserê serkirdeyê Kurdistanê Mele Mistefa Barzanî xatûn Hemaîl vê sibê di 85 saliya xwe de koça dawîn kir.

Xatûn Hemîl di sala 1944an de bo çûna Kurdistana Rojhilat û damezrandina Komara Mihabadê hevaltiya Mistefa Barzanî kir û li wir jî di 16ê tebaxa 1946 an serokê Herêma Kurdistanê Mesûd Barzanî ji dayîk bû.

Tevî helûmercê dijwar yê pêşmergeyatî û derbederiyê, xatûn Hemaîl ji roja ku bû hevjîna Mistefa Barzanî, di xizmeta Barzanî û zarokên wî de bûye û ew mezin kirine.

Ew gotina navdar ku dibêje, “Li pişt her zilamekî mezin, jineke mezin heye”, bi temamî bo xatûn Hemaîl û Mistefa Barzanî digunce.