Artêşa Îranê ya ku hewl dide têbikeve xaka Başûrê Kurdistanê sivîlan dike hedef. Hat ragihandin ku zozanên Mêrga Mîra ya Kêlaşînê di encama topbarana artêşa Îranê de kesek sivîl jiyana ji xwe ji dest û 4 kesên din birîndar bûn.

Li gor çavkaniyên herêmî artêşa Îranê duh êvarê demjimêr 19.00 û heta 00.00 herêmên Xinêre û Xakûrkê yên girêdayî Herêmên Parastinê yên Medyayê topbaran kir. Hat diyarkirin ku di encama topbaranê de li zozanên Mêrga Mîra ya Kêla Şîn a ser bi Xinêreyê kesek sivîl jiyana xwe ji dest da û 4 birîndar bûn.

Hat ragihandin ku artêşa Îranê duh êvarê demjimêr 19.00 û heta 00.00 bi katoş û hewanan Lolan, Kêla Şîn, Deravê yên Xinêre û Xakûrkê topbaran kir. Di encama topbaranê de kesek sivîl ku navê wê/wî nehat zanîn jiyana xwe ji dest û 4 kesên din birîndar bûn.

Hat diyarkirin ku zozaniyên li herêmê ji ber topbarana Îranê asê mane û nikarin ji cihê xwe derbikevin. Her wiha artêşa Îranê li hemberî wesayîtên sivîlan bi hewan û katûşan sûîqest dike. Hat ragihandin ku di encama topbaranê de gelek sewalên gundiyan telef bûne û topbarana li ser herêmê berdewam dike.

ANF