Gerînendeya Herêma Êlihê ya Petrolên Tirkiyeyê, 3 meh û nîv berê, di navbera gundê ‘Akbaş’-‘Karamûs’ê yên bi ser navçeya Farqînê ya Amedê li bîra ‘Duzalan-1’ di 2600 metirî de rastî yedeka petrolê hat.

Gerînendeyê Herêma Êlihê yê Petrolê Suleyman Çalik got ku li bîra di ‘Duzalan-1’ (Deşt-1) de di 2600 metirî de rastî petrolê hatine, lê belê ji bo berhênaneke baştir dê bîrê heta 3500 metirî kûr bikin.

Çalik got: “Li herêma Êlihê rojane berhemhênana petrolê, 23 hezar û 500 warîl (kemole) ye. Em dixwazin bi bîrê nû vê jimareyê berjortir bibin. Herî dawî em di bîra Duzalan-1’ê de rastî rezerva petrolê hatin. Lê belê ji berhênana baştir, em ê bîrê ta 3500 metirî kûr bikin û bi vî awayî xwe bigihînin petrola ku kûalîteya wê berztir.”

ANF