Duhî birêz Mesûd Barzanî Serokê Herêma Kurdistanê li Selaheddîn pêşwaziya Menejerê Futbolê navdarê Ewrûpa Bayram Tutumlu kir.

Li hevdîtinê de, nameyekî Serokê Yaneya Barselona gihande destê Serok Barzanê, ku têda bi awayeke fermî ‬dawetî Serok Barzanî hatiye kirin ku serdana yaneyê û beşdarîkirina yek ji yariyên Yaneya Barselonayê da bike.

Serok Barzanî dawetê qebul kir û destxweşiyê jî li Bayram Tutumlu kir ku wekî Kurdek kariye bigihe wê payeya cîhanê.

Li mijareke dinê hevdîtinê de, ‬behsa girîngiya werzîşê hate kirin û Serok Barzanî balkişand li ser wê yekê ku gelek car ewê ‬bi werzîşê tê kirin bi siyasetê nayê kirin. Her wiha li hevdîtinê de behsa çawayiya pêşxistina warê werzîşa Herêma Kurdistanê jî hate kirin. Menejerê Futbola Ewrûpî soz da ku ji bo vê mebestê hinek ji yarîzanê bi nav û dengên Ewrûpa bîne Kurdistanê.

Hêjayî gotinêye ku Bayram Tutumlu li warê werzîşê de li ser asta Ewrûpa bi taybetî li Îspanya cihê destê xwe diyar û naskiriye.