Li Herêma Kurdistanê 20 nûneratiyên dîplomatîk hene, piraniya wan jî konsolxaneyên giştî ne û got: ‘’Di dawiya îsal de jî konsolxane zêde dibin.

Berpirsê Peywendiyên Derve yê Hikûmeta Herêma Kurdistanê Felah Mistefa da zanîn ku li Herêma Kurdistanê 20 nûneratiyên dîplomatîk hene, piraniya wan jî konsolxaneyên giştî ne û got: ‘’Di dawiya îsal de jî konsolxane zêde dibin.

berpirsê Peywendiyên Derve yê Hikûmeta Herêma Kurdistanê Felas Mistefa ji rojnameya Şerq El-Ewsed re got: “Em li bendê ne ku heya dawiya vê salê hêjmara konsolxaneyên welatên Ereb ên li Herêma Kurdistanê bigihe 5 konsûlxaneyan. Niha 20 nûnertiyên dîplomasiyê kar dikin, hinek konsûlxaneyên giştî ne, hinek ofîsên balyozxaneyan in û yên din jî konsolxaneyên rûmetê ne.

Li Herêma Kurdistanê gelek konsolxaneyên welatên Ewrûpî, welatên cûda û welatên cîran hatine vekirin, lê konsolxaneyên welatên Ereb li Herêma Kurdistanê kêm in. Heya niha tenê Misir û Urdunê konsolxaneyên xwe vekirine.

Felah Mistefa di berdewama axaftinên xwe de dibêje: “Hinek welatan namzetiya xwe nîşan dane ku wekî konsol li Kurdistanê kar bikin. Ew jî bi hemahengiya li gel me û Wezareta Derve ya İraqê tên encamdayîn. Bi vê yekê jî wê hêjmara konsolxaneyan ber bi zêdebûnê ve biçe.



Welatên namzetiya xwe ji bo vekirina konsol û konsolxaneyan li Herêma Kurdistanê pêşkêş kirîn evin; Romanya niha ofîsek bazirganî heye, Rûsya Spî, Bûlgarîstan, Polonya, Hengarya, Hirvatîstan, Norveç û Libnanê biryar girtine ku li Herêma Kurdistanê kosolxaneya rûmetê vekirin. Ji bilî vane jî Îmarata Ereba Yekgirtî û deshilata Filîstînê jî biryar dane ku konsoliya xwe li Kurdistanê vekin.

Mistefa derbarê hêjmar û çawaniya xebitîna nûnertiyên Herêma Kurdistanê ya li welatên cîhanê got: “Niha Herêma Kurdistanê li welatên cîhanê 12 nûnertî heye û di demên pêwîst de em dikarin nûnertiyên din jî vekin. Ji bilî vê yekê jî em li gor destûrê û ji bo dîtina mekanîzmeyek bo xebitîna nûnertiya xwe ya di nava çarçoveya balyozxaneyên İraqê yên li cîhanê, li gel Hikûmeta İraqê kar dikin.”