Piştî li girtîgehên Îranê 3 girtiyên Kurd dest bi greva birçîbûnê kirin, girtiyên Kurd ên din yên li girtîgehên din ji bo arîkariyê bidin 3 girtiyên Kurd, dest bi greva giştî kirin.

Zêdeyî 40 rojane 3 girtiyên Kurd ên bi navê Kemal Şerîf (Girtîgeha Mînab), Enwer Xizrî û Kamûran Şêx (Girtîgeha Recayiya bajarê Kerec) dest bi greva birçîbûnê kirine. Li gor zanyariyên girtiyên Kurd ên li girtîgehên Sine, Urmiye, Recayî Şar û çend girtîgehên din ji bo piştgiriyê bidin hersê girtiyên Kurd dest bi greva giştî kirine.

Rojnamevan û çalakvanê Kurd yê siyasî Kemal Şerîf ku yeke ji wan girtiyên girava birçîbûnê destpêkirî li sala 2008an ji aliyê hêzên çekdarî yên Komara Îslamî ve hatiye girtin û cezayê 30 salan jêre hatiye dayîn.

Rudaw