Li gor daxuyaniya nivîskî ya BDPê hate ragihandin ku parlamenterê Colêmerge Selahattîn Demîrtaş wek serokê grûpa BDPê, parlamenterê Şirnêx Hasîp Kaplan û parlamentera Idirê Pervîn Bûldan jî wek wekîlên serokê grûpa BDPê hatine hibijartin.

Serokê Partiya Demokrasiya Beşdarî (KADEP) Şerafettîn Elçî û Serokê Partiya Kedê (EMEP) ku di lîsteya blokê de hatibûn hilbijartin, dê ji nû ve vegerin ser erka serokatiya partiyên xwe lê di Parlamentoya Tirkiyeyê digel grûpa BDPê tevbigerin.

5 parlamenterên din yên ku girtî ne(Kemal Aktaş (Wan) , Îbrahîm Ayhan (Riha) , Gûlseren Yildirim (Mêrdîn) , Selma Irmak û Faysal Sariyildiz (Şirnêx) ) dê bi rêya arznameyê, bibin endamê BDPê.

Her weha parlamenterên Mêrdînê Leyla Zana, Ahmet Turk û parlamentera Wanê Aysel Tûglûk jî ji ber qedexeya li ser wan a bo siyasetkirinê, nikarin bibin endamê BDPê. Qedexeya siyasî ya li ser wan dê di 2014an de bi dawî bibe.

AKnews