Xwepêşandanên li dijî rejîma Beis li seranserî welatê Sûriyayê berdewamin, li parêzgehên Hema, Humis, Îdlib, Dêrazorê û navçeyên dewrobera Dîmeşqê, her roj bi 10 hezaran kes xwepêşandanên li dijî rejîmê sazdikin û tenê duhî li gundên Elramî û Mir'iyan yên bi ser parêzgeha Îdlibê, 7 kesên sivîl bi destê hêzên rejîmê hatin kuştin.

Li gor Komîtên Hemahengîkirina Şoreşa Sûriyê, tê çaverêkirin îro xwepêşandanên berfereh werin sazkirin û di vê rojê de wê çavê her kesî li bajarê Helebê be ka wê xwepêşandanên bi hêz bên sazkirin yan na.