Duhî roja eyniyê ku bi "Eyniya ketina şeriyetê" hatibû bi nav kirin li seranserî welatê Sûriyayê xwepêşandanên berfireh hatin sazkirin û bi kêmî 16 kes bi destên hêzên rejîmê hatin kuştin.

Li parêzgehên Humis, Hema, Dera, Qamişlo, Dêrazorê, Lazqiye û derdora şamê bi sedan hezar kes daketin kolanan û diroşim û sioganên dijî parta Beis û serokê welat Beşar Esed avêtin.

Li gor çavkaniyan hejmara xwepêşanderan li bajarê Humisê geheşte 400,000 û hemûyan bi hevre siloganên tûj li dijî Beşar û Bavê wî digotin.

Li bajarên kurdan Qamişlo, Amûdê, Tirbesipiyê, Derbasiyê, Serêkaniyê, Dêrik û Kobanê jî bi hezaran kurd daketin kolanan û nerazîbûna xwe li dijî rejîma Beisa Sûriyê derbirîn.

Cihê amaje pêdanê ye ku xwepêşandana duhî piştî derbazbûna 3 rojan bi ser gotara serokê Sûriyê re hat herweha piştî derbazbûna 100 rojan bi ser destpêk xwepêşandanên wî welatî re hat.